Ирландия терма жамоасининг собиқ футболчиси Дэмьен Дафф профессионал футболчилик фаолиятини якунлагани ҳақида эълон қилди.

"Челси"нинг собиқ футболчиси фаолиятини "Шэмрок Роверс"да, 36 ёшида якунлади.

"Яқинларим билан бу мавзуни муҳокама қилдик ва якунда футболдан кетишга қарор қилдим. Мен болалигимда орзу қилганим дунёда яшадим. Мен бу дунёда бахтиёр кунларни ўтказдим”, - деди Дафф RTE телеканали эфири орқали.

Маълумот учун, Дэмьен Дафф Ирландия терма жамоаси таркибида 100та учрашувда майдонга тушган ва 8та голга муаллифлик қилган.

У “Челси” билан 2 марта Англия чемпионатида, 1 марта Англия Кубоги, икки марта Лига Кубогида зафар қучган.