Эрдўған Туркиянинг Россияга экспорти ҳажми ортишига ишонч билдирмоқда

Жаҳон 22 Декабрь 2015 9213

Туркия президенти Ражаб Тойиб Эрдўған мамлакатнинг Россияга экспорти ҳажми бу 2 давлат ўртасидаги сиёсий зиддиятга қарамасдан ўсишда давом этишига ишонч билдирмоқда. У бу ҳақда Бурсада ўтказилган Савдо-саноат палатаси йиғилиши вақтида айтиб ўтган.

"Россия билан ўртамиздаги мавжуд муаммоларга қарамасдан мен Туркиянинг бу давлатга ўз маҳсулотларини экспорт қилиши ҳажми ортишига ишонаман. Сиз бундан хавотир олмасангиз ҳам бўлади", деган у.

24 ноябрь куни Туркия Ҳарбий кучлари Россиянинг Су-24 бомбардимончи самолётини уриб тушириши икки давлат ўртасидаги муносабатлар совуқлашишига олиб келди.

Россия президенти Путин Су-24 Туркиянинг F-16 самолёти “ҳаво-ҳаво” ракетаси орқали уриб туширилгани ва Туркия чегараси яқинида қулагани ҳақида маълум қилди. У ушбу можарони террорчилар шериклари томонидан “зимдан берилган зарба” дея баҳолади ва Туркияга қарши бир қатор иқтисодий чоралар қўллаш ҳақида фармон эълон қилди.

Россия Ҳарбий Кучлари Бош Қўмондонлик штаби Су-24 Туркия ҳаво чегарасини бузмаганлигини такрорлади. Бунга далил сифатида Сурия Ҳаво Мудофааси маълумотларини келтирди. Аммо Туркия Су-24 мамлакат ҳаво чегарасини бузган деган фикрини ўзгартирмади.

Нохуш ҳодиса натижасида бир учувчи ҳалок бўлган. Штурман омон қолган. Россия Анқарага етказилган зарар учун товон тўлаш ва узр сўраш талабини қўйди. Туркия эса ўз ҳаракатига чегарани ҳимоя қилганини асос қилиб кўрсатиб, Россия қўйган шартларни бажаришдан бош тортди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27415 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14441 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55618 Жамият
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 16 Жаҳон
Миробод бозорида пулларни нақдловчи банкомат ишга тушди
23:18 810 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 665 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 537 Жаҳон
Маошни оширишни қачон сўраган маъқул?
22:47 1843 Lifestyle
Дайжест: Пахта мавсумидаги ўзгаришлар, Президент ижтимоий тармоқларда, АҚШда Қуёш қандай тутилди ва бошқа хабарлар
22:05 4364 Жаҳон
Xiaomi янги ҳамёнбоп смартфонини тақдим этди
Кўпроқ янгиликлар