Американинг Forbes журнали 2015 йилда Голливуднинг энг кўп фойда келтирган актёр ва актрисалари номини эълон қилди.

Рўйхатда Крис Эванс бошчилик қилмоқда. Унга сарфланган ҳар бир доллар киностудияга 181,8 доллар бўлиб қайтиб келган. У фойда келтирган фильмлар: “Қасоскорлар: Альтрон даври” ва “Биринчи қасоскор: Ўзга уруш” ҳисобланади. Иккинчи ўринда эса “Юпитернинг юксалиши” ва “Оз: Улуғ ва қўрқинчли” фильмларида роль ижро этган Мила Кунис бормоқда. Унга сарфланган ҳар бир доллар ўрни 87,3 доллар фойда келтирган.

Учинчи ўринда бироз фарқ билан Скарлетт Йоханссон бормоқда. У “Қасоскорлар: Альтрон даври” ва “Люси” фильмларида ижро этган роли орқали 85 доллар фойда олиб келган. Тўртинчи ўринда Гвинет Пэлтроу номи қайд этилган. У ўзига сарфланган бир доллар маблағни 82,9 доллар билан қоплаган. Кучли бешликни Эмма Стоун 54 доллар билан ёпиб берган.

Топ-10ликда Крис Хемсворт (42,1 доллар), Вин Дизель (40,3 доллар), Женнифер Лоуренс (39,1 доллар), Марк Уолберг (39,1 доллар) ва Дуэйн "Скала" Жонсон (28,1 доллар) номлари айтиб ўтилган.