Ford ва Google компаниялари автоном режимда ишлайдиган машиналар яратиш бўйича қўшма корхона ташкил этади. Ҳамкорлик ҳақида январь ойининг бошида Лас-Вегасда ўтадиган CES истеъмол электроникаси кўргазмаси чоғида эълон қилинади. Бу ҳақда Yahoo Autos портали хабар бермоқда.

Ҳамкорлик доирасида Ford Google корпорациясининг технологияларидан фойдаланиш имкониятига эга бўлади. Автомобилсоз компания яқиндагина ўз машинасининг умумфойдаланиш йўлларидаги тестлари бошланишини хабар қилган эди, Google эса ўз ишланмаларини 7 йилдан буён олиб бормоқда.

Айни пайтда Калифорния ва Техасда 53та Google-мобиль синовдан ўтказилмоқда, улар умумий ҳисобда 2 млн км йўл босиб ўтишди.