ИШИД террористик гуруҳи Сурия шимоли-шарқидаги Дайр-аз-Зор шаҳрида жойлашган мактабни миномётлар орқали ўққа тутди.

РИА “Новости”нинг шаҳар мэриясидаги ахборот манбаси маълумотига кўра, отишма оқибатида етти бола ҳаётдан кўз юмди, 15 нафари жароҳат олди.

“Террористлар миномётлар орқали Храбиш мавзесидаги мактабни ўққа тутишди. Отишма бугун (22 декабрь) эрталаб содир бўлди, тўққиз бола вафот этди”, - деди агентлик суҳбатдоши.

Сурия миллий агентлиги ИИВдаги ахборот манбасига таяниб хабар беришича, снарядлар эрталаб марказий майдонга келиб тушган. Ушбу ахборот манбаси ҳам тўққиз боланинг ҳалок бўлгани, 15 нафарининг жароҳатланганини тасдиқлади.