КХШТ ИШИДнинг фаоллашуви сабабли Марказий Осиёга нисбатан таҳдидлар ортаётганини қайд қилди

Жаҳон 22 Декабрь 2015 6223

Коллектив хавфсизлик шартномаси ташкилотига аъзо давлатлар раҳбарлари бутун инсоният учун хавф солувчи ИШИД террорчилик гуруҳи фаолиятига қатъий қарши туриш устувор вазифа эканлигини айтмоқдалар.

Давлатлар етакчилари Марказий Осиёдаги хавфсизликка таҳдидларнинг ортаётганини қайд қилдилар.

“Афғонистонда ИШИД, “Толибон”, “Ал-Қоида” ва бошқа террорчилик гуруҳлари фаоллашуви ортиши билан боғлиқ таҳдидларнинг ортиши КХШТ жавобгарлигидаги ҳудудлардаги вазиятга беқарорлашув билан бевосита таҳдид қилиб, ташкилотнинг жанубий сарҳадларида кескинликнинг авж олишига олиб келади”, дейилмоқда хабарда.

КХШТ барча давлатларнинг террорчилик гуруҳлари, авваламбор ИШИД билан иқтисодий алоқаларга аралашган барча ташкилот ва шахсларни аниқлаш учун жавобгар эканликларини таъкидлаб ўтди.

“Ишончимиз комилки, террорчиликка қарши самарали кураш уни молиялаштириш манбаларини тўсиб қўймасдан иложи йўқ. Шу муносабат билан биз БМТ Хавфсизлик кенгаши томонидан 2015 йил 17 декабрда қабул қилинган, террорчиликни молиялаштиришга қарши кураш бўйича резолюциянинг қабул қилингани ва ундаги барча давлатларни ИШИД, “Ал-Қоида” ва улар билан боғлиқ барча шахс, гуруҳ ва ташкилотларга нисбатан зарурий чоралар кўришга чақирувни маъқуллаймиз”, дейилмоқда ҳужжатда.

Баёнотда, шунингдек, КХШТ халқаро террорчилик ва минтақавий экстремизм ғояларига қарши кураш бўйича комплекс чораларни янада кучайтиришга катта аҳамият бераётгани кўрсатиб ўтилди.

КХШТ 2002 йилда таъсис этилган, ҳозирда унга 6 та давлат: Арманистон, Беларусь, Қозоғистон, Қирғизистон, Россия ва Тожикистон киради. Бу ташкилотга аввал Ўзбекистон ҳам кирган, бироқ 2012 йил декабридан унинг бу ташкилотдаги иштироки тўхтатилган.

Кўпроқ янгиликлар