21 декабрь куни АҚШнинг Невада штатидаги Лас-Вегас шаҳрида, "Дунё Гўзали-2015" ғолибини тақдирлаш маросими ўтказилаётган Planet Hollywood меҳмонхонаси яқинида тўпланиб турган одамлар устига автомобилини бостириб бориб, 1 кишининг ўлими ва 37 кишининг жароҳатланишига сабабчи бўлган аёл машинада ўз қизи билан яшаб юргани аниқланди. Бу ҳақда АВС хабар тарқатди.

Полиция вакилининг сўзларига кўра, у харажатларни тежаш учун автомобилда қизи билан яшашга мажбур бўлган.

Терговнинг аниқлашича, у ҳодиса юз берган куни Далласга қизининг отасини қидириб йўлга чиққан эди.

Бундан олдинроқ, одамлар устига машинасини ҳайдаб борган бу аёл маст ҳолда бўлгани ва унда бу машинани бошқариш учун гувоҳномаси бўлмагани хабар қилинганди.

Полициячилар дастлаб бу ҳолатни теракт сифатида текширишган.