Халқимиз орасида комедик роллари билан танилган Муҳаммадисо Абдулхайиров режиссёр Рустам Саъдиевнинг “Барон” фильмида салбий роллардан бирини ижро этди. Бу ҳақда режиссёр Kun.uz мухбирига берган интервьюсида маълум қилди.

“Муҳаммадисо Абдулхайиров комедик ролларни кўп ўйнаётганига томошабин уни шу ижросида яхшироқ қабул қилгани учун шу жанрда фильм суратга олувчи режиссёрлари ўз картиналарига жалб этишади. Бунинг ёмон томони йўқ. Лекин, ўйлайманки, Муҳаммадисо Абдулхайиров кенг ампулали, серқирра актёр. Унинг имконияти жуда кенг.

“Қудуқ” фильмидаги ижросини мисол қилиб келтирса бўлади. Бу фильмдаги ижросини кўриб ҳеч кимнинг юзида кулгу мимикаси пайдо бўлмайди.”, - деди режиссёр ўз сўзида.
Унинг таъкидлашича, Муҳаммадисо Абдулхайиров “Барон”да салбий роль ижро этган. Режиссёр унинг қандай рол ижро этганини маълум қилмади, бироқ ижросидан кўнгли тўлганини билдирди.

“Муҳаммадисони анчадан бери биламан. Театрларда спектаклларини кузатганман. Унинг имкониятлари чегараланмаган. Бизда эса фақат комедия жанрларида ундан фойдаланилади холос. Шунинг учун томошабин тасаввурида комедик актёр сифатида шаклланиб қолган. У комедик ролни қандай маҳорат билан ижро этса, жиддийларини ҳам шундай ўйнай олади”, - деди режиссёр.
Интервьюнинг тўлиқ матнини қуйидаги ҳавола орқали ўқишингиз мумкин.