2017 йилда ҳар куни “Остона–Олмаота–Урумчи” йўналиши бўйича “Тальго” тезюрар поезди ҳаракатлана бошлайди. Бу ҳақда 21 декабрда ўтказилган матбуот-анжуманида “Казахстан темир жолы” миллий компанияси вице-президенти Берик Камалиев маълум қилди.

Камалиев яқин келажакда янги, қулайроқ вагонлар фойдаланишга топширилишини қўшимча қилди.

“Ҳозирда 30 см га энлироқ бўладиган янги кузовни яратиш устида иш олиб бормоқдамиз. Вагонлар торлигига эътирозлар билдирилмоқда. Ушбу таклифларни инобатга олиб, биз кенгроқ вагон лойиҳасини ишлаб чиқдик. Кейинги йилда заводимизда бундай вагонлардан бир неча таркибини ишлаб чиқаришни режалаштирмоқдамиз”, деб айтди Камалиев.

Камалиевнинг айтишича, охирги 4 йил ичида Қозоғистонда 9 та янги темир йўл йўналиши киритилган. Улар Остонани Оқтобе, Атирау, Усть-Каменогорск ва Чимкент билан, Олмаотани эса Петропавловск, Атирау, Усть-Каменогорск ва Оқтобе билан боғлайди.