Бугун Ўзбекистон футбол федерациясида йил якунлари ва келаси йил режалари борасида катта йиғилиш бўлиб ўтмоқда.

Ҳозиргача олинган маълумотларга кўра, йиғилишда "Пахтакор" клуби футболчиларнинг маошидан қарзи борлиги таъкидланган. Агар 29 декабргача клуб маошни узиб бермаса, Олий лигадан четлатилиши айтилган.

"Пахтакор" жамоаси вакиллари диққатига, агар 29 декабрга қадар клубдаги қарздорликни ёпмасанглар олий лигадан четлатиласизлар!" - деган ПФЛ бош директори Магометов.

Эслатиб ўтамиз, ЎФФ раҳбари Мираброр Усмонов октябрь ойида ЎзПФЛ клублари раҳбарлари ва мураббийлари билан учрашувда келишилган ўйинлар учун кескин чоралар кўрилишига ваъда берганди.

Йиғилиш вақтида жорий мавсум учрашувларидан бири, "Пахтакор" - "Металлург" учрашуви келишилган деб топилганди.

“Энди “Пахтакор” нега жазоланмади?” деган саволларга жавоб бериб ўтсам: йил якунларига кўра “Пахтакор” шундай жазоланадики, футбол ишқибозларини қинғир ўйинлар билан алдаш уёқда турсин, бу ҳақда хаёлига ҳам келтирганлар ҳам тавба қилади”, деганди у.

Мавсум якунлангач, "Пахтакор" бош мураббийи Нўмон Ҳасанов жамоа аъзолари анчадан вақтдан бери маошларни олмагани ҳақида билдирганди.

"Пахтакор" 11-марта Ўзбекистон чемпиони бўлди