Toshiba корпорацияси молиявий ҳисобот билан боғлиқ можаро ортида ходимлари сонини қисқартириш ва Индонезиядаги заводини сотиб юборишга қарор қилди, деб айтилмоқда компания берган хабарда.

Toshiba’нинг Индонезиядаги телевизор ва кир ювиш машиналари ишлаб чиқарувчи заводига Хитойнинг Skyworth компанияси харидор бўлиб чиқмоқда. Заводни сотиш бўйича битимни 2016 йил мартида ниҳоясига етказиш режалаштирилмоқда, унинг дастлабки нархи 25 млн долларга баҳоланмоқда. Харидор, шунингдек, Toshiba савдо белгисидан Хитойдан ташқари Осиёнинг бошқа давлатларида фойдаланиш ҳуқуқини олади.

Хабарда, шунингдек, 6,8 минг ишчи ёки корпорациянинг телевизор, шахсий компьютер ва маиший техника ишлаб чиқариш бўлимларидаги умумий ходимларнинг учдан бири қисқартирилиши маълум қилинмоқда.

Бундан ташқари, компания 2016 йил 31 мартда тугайдиган молиявий йилда 4,5 млрд доллар миқдорида зарар кўришини прогноз қилмоқда. Шунингдек, Toshiba’нинг бизнесидаги ўзгаришларга телевизорларни Япониядан ташқарида ишлаб чиқариши ҳам учрайди: энди ўзи телевизорларни ишлаб чиқара оладиган хорижий компанияларга телевизорларни ишлаб чиқариш учун лицензиялар берилади. Компания шунингдек маиший техника ва компьютерлар ишлаб чиқариш учун бирлашмалар ташкил этилиши мумкинлигини истисно қилмаяпти.