2015 йил давомида Ўзбекистонда 14 мингдан зиёд оммавий-маданий тадбирлар ўтказилди. Бу ҳақда Ўзбекистон Миллий матбуот марказида ўтказилган “Ўзбекнаво” эстрада бирлашмаси: кеча ва бугун” мавзусидаги матбуот анжуманида маълум қилинди.

"Ўзбекнаво" эстрада бирлашмаси Бош директори Фарход Жўраев сўзларига кўра, мазкур тадбирларнинг 3,5 мингдан зиёди Тошкент шаҳрида ташкиллаштирилган бўлса, қолганлари ҳудудларда бўлиб ўтган.

Уларнинг қарийб барчасида “Ўзбекнаво” эстрада бирлашмаси ҳамда унинг ҳудудий бўлинмалари томонидан санъаткорларнинг иштироки таъминланган.
Тадбирда мазкур оммавий-маданий тадбирлар рўйхатига йирик давлат маросимлари билан биргаликда, нодавлат-нотижорат ташкилотлари томонидан уюштирилган маданий тадбирларни ҳам киритиш мумкинлиги айтиб ўтилди.