Ўтаётган йилда Хитойда ўтган йилнинг шу даврига нисбатан 226 фоизга кўпроқ, яъни 77 минг дона 3D-принтерлар сотилган. IDC компанияси берган ҳисоботда қайд қилинишича, 2016 йилга келиб принтерларнинг савдоси ҳозиргига нисбатан 207 фоизга ўсиб, 160 минг дона қурилмани ташкил қилади.

«Бу турдаги қурилмаларни сотиш бўйича келгуси йилда Хитой АҚШдан ўтиб кетади, бироқ нарх борасида Қўшма штатлари кейинчалик ҳам лидер бўлиб қолаверади», - дея қайд этиб ўтган IDC таҳлилчиси Мо Миньи.

Унинг сўзларига кўра, Хитой ҳозирча қиммат 3D-принтерларни сотиб олишга тайёр эмас. Шу боисдан унинг нархи Хитойда ҳозирча 5 минг доллардан ошмайди. Шу сабабдан юқори технологик моделлар учун АҚШ асосий бозор бўлиб қолаверади.

IDC ҳисоботида ёзилишича, 2020 йилга келиб 3D-принтерларнинг Хитойдаги савдоси йилига 440 минг донани ташкил қилиши кутилмоқда. Бунда унинг ишлаб чиқариш кучини модернизация қилиш зарур бўлади.

Маълумот учун, ҳозирги кунда мазкур қурилма аэрокосмик, тиббиёт ва автомобил саноати учун маҳсулотлар ишлаб чиқармоқда. Тез орада мусиқа асбоблари ва кийимлар ишлаб чиқариш ҳам йўлга қўйилиши кутилмоқда.