Бағдод Туркия Ироқдан қўшинларини олиб чиқмаётганини айтди

Жаҳон 23 Декабрь 2015 3611

Туркия Анқаранинг турк ҳарбий бўлинмалари Ироқнинг ҳудудидан олиб чиқилаётганини айтаётганга қарамасдан, у ердан ўз қўшинларини олиб чиқишни бошламади. Бу ҳақда Ироқ Мудофаа вазирлигининг расмий вакили Носир Нурий маълум қилди.

“Аслида ҳеч қандай турк қўшинлари олиб чиқилмаяпти, бу фақатгина Анқаранинг гапи”, деб айтди Нурий. Унинг айтишича, турк армияси бўлинмалари “фақатгина ўша ҳудудлар атрофида бироз жойларини ўзгартиришди, бироқ буни ҳаттоки қисман олиб чиқиш деб ҳам бўлмайди”, деб айтди Нурий.

Нурий “Анқаранинг баёнотидан кейин Ироқдан қўшинлар ҳақиқатда олиб чиқилишига” умид билдирмоқда. “Ҳанузгача бу йўналишда ҳеч қандай аниқ қадамлар йўқ”, деб ўз сўзларини якунлади Нурий.

19 декабрда Туркия Ташқи ишлар вазирлиги Анқара “ўз кучларини Ироқдан олиб чиқишни давом эттиришини” айтган эди.

Кўпроқ янгиликлар