Францияда сунъий юрак қўйилган беморларнинг вафот этиши билан боғлиқ учинчи ҳодиса рўй берди. Бу ҳақда биопротеза яратувчи Carmat компанияси расмий сайти хабар бермоқда.

74 ёшли бемор 18 декабрь куни оламдан ўтган. Унинг ўлимига сурункали буйрак етишмовчилиги туфайли нафас олишнинг тўхтаб қолгани сабаб сифатида кўрсатилмоқда.

Марҳумга сунъий юрак 8 апрель куни қўйилганди. Август ойининг сўнггида у уйига қайтариб юборилган.

Таҳлиллар унинг ўлимига биопротеза функциясида бирор-бир алоқадорлик бўлмаганини кўрсатган. Қайд қилинишича, беморда юракдан бошқа ҳам катта муаммолар, жумладан буйрак етишмаслиги хасталиги мавжуд бўлган.

Франция сунъий юрак қўйилган иккинчи бемор жорий йилнинг май ойида вафот этганди. 69 ёшли эркак шифохонага қон айланиш тизимининг яхши фаолият олиб бормагани туфайли учун олиб келишган. Шифокорлар унинг сунъий юрагини алмаштиришган, бироқ беморнинг ҳаётини сақлаб қолишнинг иложи топилмаганди.

Carmat сунъий юракларини ўрнатиш бўйича дастлабки жарроҳлик амалиёти 2013 йилнинг 18 декабрида бўлиб ўтган. 76 ёшли бемор операциядан 75 кун ўтиб ҳалок бўлганди.