Рент ТВ телеканалининг маълум қилишича, Москва шаҳар маъмурияти депутати Лариса Соломатинага ниқобли эркак ҳужум қилган. У аёлни уйи яқинида кутиб турган, амалдорнинг яқинлашиши билан унинг устига ахлат тўла челакни ағдариб юборган.

“Соат 19ларда йиғилишдан қайтаётган эдим. Уй четида жингалаксоч шахс турарди, ертўла оғзида. Унинг ёнида эса челак турганди. Ёнидан ўтаётганимда ўнг тарафдан юзимни нимадир куйдирди.

Бу нима бўлганини тушунмадим. Шундан сўнг устимдан нимадир тўкворишди. Юзимга баллончадан қалампир сепганларини кейинроқ билдим”, - ҳикоя қилади депутат.
Ҳужумчининг ташқи кўринишини 61 ёшли аёл тасвирлаб бера олмади. Айни пайтда воқеа юзасидан суриштирув ишлари олиб борилмоқда.