"Челси"нинг собиқ мураббийи, айни вақтда ишсиз ҳисобланадиган Жозе Моуриньонинг агенти Жорже Мендеш ўз мижози ва "Манчестер Юнайтед" жамоалари ўртасида оғзаки келишув амалга оширилгани ҳақидаги хабарларни рад этди.

"МЮ" раҳбарияти жамоа бош мураббийи Луи ван Гаалга ультиматум қўйиб, агар кейинги 2 учрашувда 3тадан ортиқ очко йўқотилса у билан шартнома бекор қилиниши ҳақида огоҳлантиргач, инглиз нашрларида ван Гаалнинг ўрнини Моуриньо эгаллаши ҳақида хабарлар пайдо бўлганди.

"Ҳеч қандай келишув мавжуд эмас. Келажакда нималар рўй беришини айтиб бўлмайди. Лекин ҳозирча айтишим мумкинки, томонлар бу борада музокара ўтказмаган. Жамоа расмий таклиф билан чиқмади", дея агентнинг сўзларини келтиради Globo Esporte нашри.