Совуқ уруш йиллари АҚШ раҳбарияти нафақат СССР ҳарбий ва саноат салоҳиятини пасайтириш, балки мамлакат фуқароларини йўқ қилиш учун ҳам ядровий қурол қўллашга тайёр бўлган. Бу ҳақда New York Times газетасининг электрон версиясида чоп этилган мақолада айтилди.

Нашр журналистлари АҚШ миллий архивлари томонидан махфийликдан олиб чиқилган ҳужжатлар билан танишиб чиқишди. 1959 йилга оид материалларда Вашингтон ядровий қурол ёрдамида ҳужум қилишга тайёр бўлган СССР, ХХР ва Шарқий Европадаги нишонлар рўйхати келтирилган бўлиб, удар орасида “аҳоли” категорияси ҳам тилга олинган.

Масалан, Москвада АҚШ ҳарбийлари 179 нишонни ажратиб кўрсатган, Ленинградда 145, Шарқий Берлинда 91 нишон кўрсатилган. Буларнинг кўпчилиги саноат комплекслари ва ҳукумат биноларидир. Ҳар бир шаҳарга оид рўйхатда “аҳоли” деган категория тилга олинган.

“Бу одамни ҳайратлантиради – нишон тариқасида аҳоли тўпланиш жойлари танланган”, — дейди Жорж Вашингтон университети илмий ходими Уильям Бурр. Айнан у 2006 йилда миллий архивга ҳужжатларни ошкор қилиш талабномасини юборган эди.