ОПЕК нефть нархи 2040 йилда 160 долларга етишини маълум қилди. Бироқ бу нарх 2014 йил доллари қиймати билан ҳисобланса, 2040 йилда нефть нархи ҳозирдаги 100 доллардан сал камроқни ташкил қилади. Бундай прогноз ОПЕК томонидан чоп этилган World Oil Outlook маърузасида берилган.

2020 йилда ОПЕК нефть нархи 95 долларга (2014 йил долларида 70 доллар) етишини тахмин қилмоқда. Ваҳоланки, 2014 йил июнида нефть нархи 114 доллар турган.

ОПЕК прогнозларига кўра, 2020 йилда нефтга талаб кунига 97 млн баррелдан кўпроқни ташкил қилади, 2040 йилда эса кунига 110 млн баррелга етади. 2040 йилга келиб нефтни қайта ишловчи заводларнинг умумий қуввати кунига 20 млн баррелдан кўпроққа етади.