Ўзбекистон Мудофаа вазирлиги делегацияси 23 декабрда Москвада Мустақил Давлатлар Ҳамдўстлигига аъзо давлатлар мудофаа вазирлари кенгашининг 69-йиғилишида иштирок этади.

Кенгаш ишида, шунингдек, Россия, Арманистон, Беларусь, Озарбайжон, Қирғизистон, Қозоғистон ва Тожикистон мудофаа вазирликлари делегацияси иштирок этади.

Йиғилиш ташкилотчиларининг маълумотларига кўра, йиғилиш натижаларига кўра ҳаво ҳужумига қарши мудофаа бирлашган тизими, алоқа тизимини ривожлантириш, гуманитар минасизлаштириш соҳасидаги ҳамкорликни кенгайтириш, ҳарбий ходимларни ўқитиш, тезкор ва жанговор тайёргарлик бўйича биргаликдаги тадбирлар, МДҲ форматида ҳарбий-спорт тадбирларини ўтказиш масалалари бўйича ечимлар қабул қилинади.

Эслатиб ўтамиз, аввалги бундай учрашув 2015 йил 3 июнда Қирғизистоннинг Чўлпон-ота шаҳрида бўлиб ўтганди. Ўшанда МДҲ мудофаа вазирлари кенгаши ҳарбий ҳамкорликни ривожлантиришнинг устувор йўналишларини маъқуллаб, 2016 йил учун МДҲга аъзо давлатлар қуролли кучларининг биргаликдаги тадбирлари режасини тасдиқлаганди.