Ўзбекистон президенти Ислом Каримов Озарбайжон раҳбари Илҳом Алиевга туғилган куни муносабати билан табрик мактубини йўллади. Бу ҳақда Озарбайжон давлат ахборот агентлиги хабар бермоқда.

“Сизнинг туғилган кунингиз муносабати билан самимий қутловларимни ва энг яхши тилакларимни қабул қилинг”, - дейилади мактубда.
Ўзбекистон раҳбари озарбайжонлик ҳамкасбига мустаҳкам соғлиқ, оилавий бахт, Озарбайжон халқига эса тинчлик ва фаровонлик тилаб қолди.

“Сизнинг бевосита раҳбарлигинингиз остида ўтказилаётган ижтимоий-сиёсий ҳаётнинг барча соҳаларидаги кенг миқёсли ўзгаришлар ва Озарбайжоннинг иқтисодий ривожланиши мамлакат давлат мустақиллигининг ҳамда унинг халқаро майдондаги нуфузининг изчил мустаҳкамланишига хизмат қилмоқда”, - деб таъкидланади мактубда.