"Пахтакор" футбол клуби матбуотда чиққан маълумотларга ўзининг расмий позициясини баён қилди.

"Клуб ва ПФЛ ўртасидаги келишувга кўра "Пахтакор" 2015 йилнинг 25 декабрига қадар ЎзПФЛ олдидаги молиявий мажбуриятларини бажаради. Клубнинг маъмурият ва футболчилар олдида қарзи борлиги ҳақидаги ОАВда чиққан маълумотлар нотўғри. Эслатиб ўтамиз, 2002 йилдан ҳозирга қадар мавсум охиригача "Пахтакор" ФК доим маъмурият, футболчилар ва мураббийлар штаби олдидаги барча молиявий мажбуриятларни бажариб келган", дейилади хабарда.

Клуб ва футболчилар ўртасидаги барча молиявий шартномалар махфий маълумот ҳисобланиши билдирилган.

"Шу боис, барча ОАВдан клубимиз ҳақидаги хабарларга ойдинлик киритишларини сўраб қоламиз", дейди Тошкент клуби.

ПФЛ: "Пахтакор" қарздорликни ёпмаса, олий лигадан четлатилади

"Пахтакор" - "Металлург" учрашуви келишилган деб топилди

"Пахтакор" бош мураббийи: Анчадан бери маошларимизни олмадик

Мираброр Усмонов: Келишилган ўйинлар учун кескин чоралар кўрилади