Санкт-Петербург давлат университети профессори Валерий Мусин 22 декабрда 76 ёшида вафот этди.

Мусин Россия ва хорижда фуқаролик, денгиз ва халқаро-хусусий ҳуқуқ, фуқаролик жараёни, ташқи савдонинг ҳуқуқий муаммолари соҳасида таниқли мутахассис ҳисобланган.

2009 йилдан “Газпром”нинг директорлар кенгашига мустақил директор сифатида кирган, 2004 йилда Россия Фанлар академияси мухбир-аъзоси этиб сайланган, Европа инсон ҳуқуқлари судининг ҳаками бўлган.

Мусин 1939 йилда Ленинградда туғилган. 1967 йилдан Ленинград давлат университетида фуқаролик ҳуқуқи кафедрасида таълим берган. 1970-80-йилларда Россиянинг бўлғуси бош вазири Дмитрий Медведев ва президенти Владимир Путин Мусиннинг қўлида таҳсил олган.

“Ленинград давлат университетида мен диссертациямни ёзишни бошлаганман. Ўзимга илмий раҳбар қилиб, халқаро ҳуқуқ соҳасидаги энг яхши мутахассислардан бири Валерий Абрамович Мусинни танлаганман”, деб Путиннинг Мусин ҳақида “От первого лица. Разговоры с Владимиром Путиным” китобида айтган сўзлари бор.