Қозоғистоннинг Қустанай шаҳрида йўқолиб қолган 13 ёшли Мария Кравчук онаси томонидан қидирувга берилган эди. Nur.kz нашрининг маълум қилишича, у бегона хонадонда йигитлар даврасида топилган.

Айтилишича, қизнинг ота-онаси ИИВ органларига расман мурожаат қилмаган. Лекин полициячилар онанинг ижтимоий тармоқлардаги хабарига жавоб тариқасида мустақил равишда қидирувларни бошлаб юборишган. Таъкидланишича, қиз жуда тез топилган.
Мариянинг ҳикоя қилиб беришича, у ўгай отаси билан урушиб қолган ва уйни тарк этишга қарор қилган. Аммо онасининг ишонтиришича, қиз интернет орқали йигити билан жанжаллашиб қолган.

Полициячилар томонидан топилганида унинг кўнглини овлаётган йигитлар билан эса Мария “ВКонтакте” орқали танишган.

Уйдан чиқиб кетишдан олдин 20 декабрь куни қиз ижтимоий тармоқдаги статусида ҳаётдан тўйганини маълум қилган.