Россия миллий валютасининг курсидаги беқарорлик ва ўзгарувчанлик ўтган йилгига нисбатан 3 баробарга камайди. Бу ҳақда мамлакат марказий банки раиси Эльвира Набиуллина Интерфакс агентлигига берган интервьюсида айтиб ўтди.

“Курс шаклланишининг сузувчи тартиби Россия иқтисодиётига бугунги кунда жуда мос келади. Биз курс беқарорлиги аҳолини ҳам, бизнесни ҳам безовта қилаётганини тушуниб турибмиз. Лекин вазиятнинг кескинлиги пасаймаяпти”, - тан олди у.

Набиуллинанинг сўзларига қараганда, нефть нархлари барқарор бўлган тақдирда рублнинг ҳатто “сузувчи” курси ҳам бу қадар кўп ўзгаришларга учрамаган бўларди.
“Яна бир асосий омиллардан бири, менинг фикримча, диверсификация: иқтисодиётимиз кўпроқ диверсификацияга учраса, шу жумладан, экспорт диверсификациясига эришилса, курс барқарорроқ бўлади”, - таъкидлади Набиуллина.

23 декабрь ҳолатига кўра биржада 1 доллар 70.96 рублни (35 тийинга тушиш), 1 евро 77.46 рублни (63 тийинга тушиш), Brent русумли нефтнинг 1 баррели 36.47 долларни ташкил қилмоқда.