Хонанда Шаҳзода “Sputnik Узбекистан” агентлигига берган интервьюсида машина ҳайдашни бошлаганидан буён кузатилаётган қизиқарли ҳодиса ҳақида гапириб берди.

Унинг таъкидлашича, 2005 йилдан бери профессионал ҳайдовчилик гувоҳномасини қўлга киритган. Йўлда ДАН ходимлари билан бўлган учрашувлар ҳақида гапираркан, хонанда шундай деди:

“Ҳа, бир-икки бор тўхтатишган. Умуман олганда, йўл ҳаракати қоидаларини бузмасликка ҳаракат қиламан. Қонунни ҳурмат қиладиган фуқароман. Инспекторлар ҳайдовчилик гувоҳномамни кўриб, “Нега бу ерда Зилола Мусаева деб ёзилган” деган савол беришади. Уларга асл исмим Зилола, Шаҳзода эса тахаллус эканлигини тушунтиришга тўғри келади”.
“Исмимни ўзгартириш режамда ҳам йўқ. Зилола ота-онам томонидан қўйилган исм. Саҳнадаги тахаллусимни эса турмуш ўртоғим танлаган”, — қўшимча қилди у.