Тошкент шаҳар Олмазор тумани ИИБ жиноий қидирув бўлими ходимлари томонидан ўтказилган “Қора кўкнор” операциясида бир хонадон текширилиб, унинг гиёҳвандлар тўпланадиган маконга айлантирилгани аниқланди. Бу ҳақда “Правда Востока” нашри ёзмоқда.

Айтилишича, хонадон эгаси Марат М. тамоман бошқа одамларни кутиб турган ва ҳуқуқ-тартиботчиларга янглишиб эшик очган. Шу тариқа у жиноят устида қўлга тушган. Ошхонада гугурт қутиларига солинган гиёҳванд модда топилган. Суд-кимё экспертизаси натижаларига кўра бу модда марихуана бўлиб чиққан.

Тергов чоғида у марихуанани зангиоталик Бекзод Т. исмли шахсдан олганини айтган. Бекзоднинг уйи ҳам текширилиб, у ердан гугурт қутиларига солинган марихуана топилган.
Воқеа юзасидан тергов ҳаракатлари бошлаб юборилган.