Ван Гаал матбуот анжумани вақтида журналистлардан узр сўрашни талаб қилди

Спорт 23 Декабрь 2015 3479

«Манчестер Юнайтед» жамоаси бош мураббийи Луи ван Гаал Англия Премьер-лигасининг 18-тури доирасида «Сток Сити»га қарши ўйин олдидан ўтказилган матбуот анжуманида иштирок этди.

Голландиялик мутахассис иштирокидаги матбуот анжумани 4 дақиқаю 58 сония давом этган. Бу вақт давомида у 2та саволга жавоб берди ва зални тарк этди.

Ўйинчиларнинг руҳияти ҳақида
Ҳаммаси аввалгидек, чидаса бўлади. Ҳеч қандай янгилик йўқ. Фил Жонс 90 дақиқа ўйнади ва ҳеч қандай симптомлар кузатилмади. Бу яхши ҳолат. Дармиан «Челси»га қарши 28 декабрь куни бўладиган ўйингача тикланиши мумкин. Кўрамиз.

Мураббийнинг келажаги борасидаги миш-мишлар ҳақида
Бу хонада ҳеч ким мендан узр сўраш кераклигини ҳис қилмаяпти. Мени истеъфога чиқаришибди, бу ҳақида ўқидим.

Мени аллақачон истеъфога чиқаришибди. Ҳамкасбим Моуриньони ҳам. Бундай хабарлар кўпчиликни ташвишга солди. Оиламни. Мухлисларни. Телефоним қўнғироқлар кўплигидан портлагудек бўлмоқда. Ҳатто, Арсен Венгер ҳам телефон қилиб, бу гаплар бўйича мендан изоҳ сўради.

Ўйлайсизки, мен матбуот билан суҳбатлашишни хоҳлайманми?

Мен бу ерга фақатгина АПЛнинг қоидаси туфайли келдим. Мен сизлар билан гаплашишга мажбурман. Мен қандайдир гап гапирсам, сизлар уни ўз билганингизча талқин қиласиз.

Мен ўйинчиларимнинг ўзига бўлган ишончини оширишга ҳаракат қилганимни айтишим мумкин. Бу ҳафтада қилган ишим шу бўлди. Мен ўйинчилар ва мураббийлар штаби билан учрашув ўтказдим. Рождество муносабати тушлик уюштирдим ва нутқ сўзладим. Каррингтонда барчанинг қўллаб-қувватлашини ҳис қиляпман.

Ҳозир яхши аҳволда эмасмиз. Тўрт ҳафта олдин биз 1-ўринда эдик ва яна 4 ҳафтадан кейин 1-поғонага чиқиб олишимиз мумкин.

Биз фактларга таянишимиз керак. Менга Алекс Фергюсон, Дэвид Гилл ва Эд Вудворд қўнғироқ қилишмоқда. Боиси, сиз журналистлар фактга таянмасдан, баъзи нарсаларни тўқиб ёзяпсизлар. Бу яхши эмас. Энди эса пайдо бўлган саволларга жавоб беришим керак. Мен бундай қилишни хоҳламайман.

Мен ҳозирда бор эътиборимни «Сток Сити»га қарши ўйинга қаратганман. Барчангизни байрам билан. Балки янги йилда яна кўришармиз. Ҳозирча эса, винонгизни ичиб, пишириқларингиздан тотиб, ҳаётдан баҳра олинг.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29827 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16166 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 64293 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 57050 Жамият
Абдулазиз Комилов раҳбарлигидаги Ўзбекистон делегацияси Ҳиндистонга сафарини якунламоқда
АҚШда Марсга юборилувчи янги коинот кемасининг илк синови ўтказилди
09:31 38 Жаҳон
Ғазабланган россиялик 46 минг рубллик қарзини копейкаларда тўлади
09:20 1353 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 284 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 286 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 558 Жаҳон
Кўпроқ янгиликлар