Афғонистоннинг Жалолобод шаҳри ваҳимага тушиб қолган, негаки бу ерда ИШИДга тегишли “Халифалик радиоси”нинг ташкил этилиши террорчиларнинг қудратини намойиш этмоқда, деб ҳисоблайди The Washington Post нашри.

Айтилишича, радиоэшиттиришлар ҳар куни кечки соат олтида бошланади; шаҳар ва унинг атрофидаги ҳудудлар аҳолиси қиличлар ва пулемёт овозларини эфир орқали эшитишади. Шундан сўнг суҳандон Қуръон ўқий бошлайди, ёш афғонларни ИШИДга қўшилишга чақириб, “кофир”ларга таҳдид қилади. Маҳаллий ҳокимият эфир қаердан узатилаётганини билолмай ҳалак, лекин эшиттиришлар бутун Нангархар вилоятига етиб бормоқда. Кўпчилик радиога Покистон ҳомийлик қилаётгани тахминида, аммо расмий Исломобод буни рад қилмоқда.

Жалолобод террорчилик таҳдидининг юқорилиги туфайли полиция машиналарига тўлиб кетган, расмийлар таҳдидларнинг олдини олиш учун барча чораларни кўрмоқда.