Хитойнинг жанубида жойлашган Шэньчжэн шаҳрида юз берган кўчки оқибатларини бартараф этишда 4 мингдан кўпроқ одам ишламоқда, деб хабар бермоқда “Синьхуа” ахборот агентлиги. Улар орасида фавқулодда хизматлар вакиллари ва ҳарбийлар бор.

Аввалроқ вайроналар остида 67 соат қолиб кетган эркак қутқариб олинди. Қутқарувчилар омон қолган эркак ёнига уни аниқлаганларидан 2,5 соатдан кейингина етиб бора олишди. Эркак шифохонага етказилган, унинг аҳволи барқарорлиги айтилмоқда.

Айни пайтда 70 дан кўпроқ одам ҳамон бедарак йўқолган ҳисобланмоқда. Вайроналар орасидан бир кишининг жасади топилган.