Атамбаев Туркияни Су-24 учун кечирим сўрашга чақирди

Жаҳон 24 Декабрь 2015 9648

Қирғизистон президенти Алмазбек Атамбаев Туркия Су-24 самолётини уриб туширгани учун Россиядан кечирим сўраши зарур, деб ҳисоблайди. Унинг сўзларини РИА Новости агентлиги келтирмоқда.

“Ўйлашимча, Туркия кечирим сўраши лозим. Менинг асосий принципим – яхши жанжал энг заиф тинчликдан ёмонроқдир. Баъзан чидашга тўғри келади. Бу икки давлатга ҳам иқтисодий, ҳам сиёсий жиҳатдан манфаат келтирмайди”, - деди у йил якунларига кўра берган матбуот анжуманида.

Атамбаевнинг таъкидлашича, самолётни уриб тушириш қарори тўғри бўлмаган.
“Самолёт Туркия ҳудудига учиб кирган бўлса ҳам, бор-йўғи 17 секунд у ерда бўлганини айтишяпти, бу 17 секунд ичида 20 йил давомида қурилган муносабатларга ракета билан зарба бериш демакдир”, - таъкидлади у.

Кўпроқ янгиликлар