БМТ хавфсизлик кенгаши Ливияда бирдамлик ҳукуматини шакллантириш резолюциясини маъқуллади, деб хабар бермоқда Reuters ахборот агентлиги.

Таъкидланишича, бу қарор кенгашнинг 15 аъзоси томонидан бир овоздан қабул қилинди. 17 декабрда Марокашда Ливиядаги ихтилоф томонлари ўртасида миллий бирдамлик ҳукуматини шакллантириш ва ихтилофни тинчлик билан тартибга солиш бўйича келишувни имзолаш маросими бўлиб ўтди.

Таъкидланишича, келишув Ливиянинг Ялпи миллий конгресси ва парламент вакиллари томонидан имзоланди.

Бу орада Ливия ҳукумати ташқи ишлар вазири Али Абу Заъқуқ Россияга ИШИД жангариларига авиазарбалар бериш илтимоси билан фақатгина ҳали шаклланмаган миллий келишув ҳукуматигина мурожаат қила олишини айтди.