Грузия бош вазири Ираклий Гарибашвили истеъфога чиқишга ариза берди, деб хабар бермоқда “Новости Грузия” нашри.

Гарибашвили бу ҳақда ҳукумат маъмуриятида ўтказилган шошилинч матбуот-анжуманида маълум қилди.

Грузия конституциясига кўра, бош вазир истеъфога кетса ҳукуматнинг бутун таркиби автоматик равишда ўз ваколатини тўхтатади ва вақтинчалик вазифаларни бажарувчига айланади.

Мамлакат президенти бу ҳолатда парламент кўпчилиги билан маслаҳат ўтказиши ва вазир лавозимига номзод 7 кундан кеч бўлмаган муддатда эълон қилиниши лозим.

Кейин бош вазир лавозимига номзод вазирлар лавозимларига номзодларни танлаши ва ҳукумат дастурини тузиши ҳамда у билан парламентни таништириши лозим бўлади. Бундан кейин янги ҳукумат таркибига ишонч билдиришни эълон қилиш жараёни бошланади.