Хосеп Гвардиоланинг «Манчестер Сити»га ўтишини ҳал қилган омиллардан бири маълум бўлди.

Bild нашрининг ёзишича, «Бавария» жамоасини мавсум якунида тарк этиб, Англияга йўл оладиган мураббий «Манчестер Сити»дан йилига 25 млн евро маошдан иборат таклиф олган.

Унинг немислар жамоасида оладиган маоши 12 миллион евро бўлиб, шаҳарликлар унга 2 баробар кўпроқ таклиф қилишган. Шу тариқа, испаниялик мутахассис дунёдаги энг кўп маош олувчи мураббийига айланиши мумкин.

У «Барселона»да ишлаган вақтида (2008--2013 йиллар) йилига 3,5 млн евро маош олганди.

Бундан олдинроқ, Kicker нашри Гвардиола ёзда «Манчестер Сити» клуби бош мураббийига айланиши ҳақида хабар қилганди.