Косово конституцион суди этник серблар ҳуқуқларини кенгайтириш бўйича келишувни тасдиқлади. Бу ҳақда Associated Press агентлиги хабар бермоқда.
Шунингдек, суд ҳукуматга ҳужжатнинг конституцияга зид келадиган айрим жиҳатларини қайта ишлаб чиқишни топширди.

Таъкидланишича, сиёсий мухолифат Сербия ва Черногория билан бундай келишувлар амалга оширилишига қатъиян қарши чиқаётган эди.
Маълумот учун, Сербия таркибидаги Косово ва Метохия мухтор ўлкасида этник албанлар кўпчиликни ташкил қилар эди.

Ўтган асрнинг 90-йиллари бошида авж олган Югославия уруши чоғида Косово Сербия таркибидан ажралиб чиқишини маълум қилди, лекин бу икки орада уруш ва қирғинларга олиб келди. 2008 йил февралида Косово Республикаси ўз мустақиллигини эълон қилди. Бугунги кунда у қисман тан олинган давлат бўлиб қолмоқда. Лекин Косово пойтахти Приштинада этник серблар кўплаб истиқомат қилади.

Шунингдек, Косовска-Митровицада ҳам асосан серблар яшайди. Уруш йиллари Косово ҳудудини 200 мингдан ошиқ этник серб тарк этган эди. Ҳозирда мамлакатнинг 1.7 млн аҳолиси ичида сербларнинг миқдори 100 минг кишидан ошади. Улар орасида айирмачилик кайфиятлари ниҳоятда кучли. Шунингдек, маҳаллий албан фаоллари уларни Сербияга содиқликда гумон қилади.