Суд йирик миқдордаги бюджет маблағларини ўзлаштирганликда айбланган Олмаота метрополитетининг собиқ директори Мурат Укшебаев ва унинг шерикларига нисбатан ҳукм чиқарди, дея хабар бермоқда Nur.kz шаҳар суди матбуот хизмати маълумотига асосланган ҳолда.

Судланганлар Олмаота шаҳар метрополитени қурилиши учун бюджет маблағлари ажратилиши ҳақидаги маълумотга эга бўлган ҳолда метрополитен қурилиши учун сотиб олинадиган кабель маҳсулотлари нархини ошириш йўли билан бюджет маблағларини ўзлаштириш бўйича жиноий режа тузишган, дейилади суд хабарида.

2010-2012 йиллар давомида ўз жиноий хатти-ҳаракатлари эвазига жиноятчилар 2,5 миллиард тенгени ўзлаштириб юборишди.

Суд ҳукмига кўра, Укшебаев бир қатор молиявий жиноий ишларни амалга оширганликда айбдор деб топилиб, 9 йил муддатга озодликдан маҳрум қилинди.

Яна бир судланувчи Е.Калдибаев эса саккиз йил муддатга қамоқ жазосига ҳукм этилди. Шунингдек, суд уларнинг мол-мулкини мусодара қилди.