24 декабрь куни Қирғизистон ҳуқуқни муҳофаза қилиш органлари Жалолобод шаҳрида махсус амалиёт ўтказишди ва 4 нафар қуролланган шахсни террорчиларга алоқадорликда гумон қилиб, қўлга олди. Улар шаҳардаги кўп қаватли уйлардан бирига яширинишга уринганида қўлга тушган.

Жалолобод ИИВ матбуот хизмати хабарларига кўра, қўлга олинганларнинг икки нафари Ўзбекистон фуқаролигига эга шахслар ҳисобланади.

"2 киши кўчада ва яна 2 киши уй ичида қўлга олинди. Бу шахслар шаҳарда теракт содир этишни режалаштирилгани гумон қилинмоқда. Улардан қуроллар ва ўқ-дорилар мусодара қилинган. Бу ҳодиса бўйича тегишли тартибда жиноий иш очилган ва тергов ҳаракатлари бошланган", дейилади хабарда.