Украинанинг Россияга нисбатан қўллаган янги санкциялари 2016 йилнинг 1 январидан бошлаб кучга киради. Бу ҳақда Украина Бош вазири Арсений Яценюк маълум қилган, дея хабар беради «112 Украина».

«Сўнгги уч йил мобайнида бизнинг Россияга қарамлилик даражамиз уч маротаба қисқарди. Агар уч йил олдин Украинанинг Россиядан экспорт ҳажми тахминан 35 фоизни ташкил қилган бўлса, бугунги кунга келиб биз Россия бозорини Украина ҳудудида уч мартагача туширдик. Натижада бу кўрсаткич 12 фоизгача тушди», — дея қайд этиб ўтган Яценюк.

Бош вазирнинг қайд этишича, Украина ҳукумати худди Россия каби ўзининг озиқ-овқат эмбаргосини жорий қилади.

Эслатиб ўтамиз олдинроқ, Юқори Рада Россияга қарши санкциялар қўллаш учун розилик билдирганди.