“Коинот гўзали-2015” танлови ғолибаси, филиппинлик Пия Алонсо Вурцбах “Колумбия гўзали” унвони эгаси Ариадна Гутьеррес билан бир умрлик алоқалар ўрнатилганини таъкидлади.

Эслатиб ўтамиз, танлов бошловчиси, америкалик комик актёр Стив Харвининг хатоси туфайли дастлаб 2015 йилги “Коинот гўзали” деб Ариадна эълон қилинди, аммо бир неча дақиқадан сўнг Харвининг ўзи минг истиҳола билан хатосини тўғирлади. Бу воқеа кўплаб муҳокамаларга ва жанжалларга сабаб бўлди.

“Ариадна, сен ҳайратланарли аёлсан, бу ноёб тажриба боисидан биз бир умрга боғландик”, — деб ёзди филиппинлик гўзаллик маликаси Facebook’даги саҳифасида.
“Охирги уч ҳафта мобайнида биз бирга эдик, — сўзида давом этди Вурцбах. – Мен сенинг ҳам ички, ҳам ташқи жиҳатдан на қадар гўзал ва кучли эканлигинингни кўрдим. Сен ўз мамлакатингга муносиб вакиллик қилдинг, улар сен билан фахрланишларини аниқ биламан”.