АҚШнинг Миссисипи, Теннесси ва Арканзас штатлари бўйлаб юз берган торнадо туфайли ҳалок бўлганлар сони 10 нафарни ташкил қилмоқда. Бу ҳақда Associated Press хабар қилади.

Агентлик маълумотига кўра, бу табиат ҳодисаси туфайли юзлаб уйлар шикастланган, уларнинг аксари бутунлай вайрон бўлган.

Қайд этилишича, Миссисипи штатида талофат кўпроқ бўлган.

Бундан олдинроқ, Миссисипида торнадо туфайли 40дан ортиқ киши жабрлангани айтилганди. Маҳаллий аҳолига шаҳарни тарк этишга тайёр туриш тавсия қилинган.
2015 йил мобайнида АҚШ ҳудудида 718 марта торнадо ҳодисаси кузатилди.