25 декабрь куни Бангладешдаги масжидлардан бирида жума ибодати адо этилиши вақтида портлаш содир бўлди ва бир киши ҳалок бўлиб, ўнлаб кишилар жароҳатланди. Бу ҳақда маҳаллий полиция маълум қилган.

Гувоҳларнинг айтишича, ҳалок бўлган ягона киши ўзини портлатган террорчи эди.

"Биз бу ҳодисанинг теракт эканини аниқлаш учун текширувлар олиб бормоқдамиз", дея полиция вакили Мотиара Рахманнинг сўзларидан иқтибос келтиради Рейтер агентлиги.

Бу ҳодиса юзлаб кишилар масжидда жума намозини ўқиш учун келганида юз берган.

Бу масжид "Ахмадия" номли жамиятга тегишли бўлган. Мусулмонларнинг бошқа гуруҳлари бу жамиятни диндан қайтганлар сифатида билишади.