Италия дўконларида бир неча йил давомида кокаинли чой бемалол сотилгани аниқланди, деб хабар бермоқда The Independent нашри.

Бу ҳақда автобус ҳайдовчиси туфайли маълум бўлди. Ҳайдовчи йўналишга чиқишдан аввал ўтадиган оддий тиббий синовлар унинг организмида гиёҳванд моддалар борлигини кўрсатди. Эркакнинг ўзи умуман гиёҳванд моддалар қабул қилмаганини, бироқ бундан аввал ўтли чой ичганини айтган. Шифокор тажриба тариқасида шу чойдан ичиб кўрган ва кокаин борлигига синов унда ҳам ижобий натижа берган.

Кокаинли чой сотилган дўкон ҳақида зудлик билан тегишли идораларга маълум қилинган. Полициячилар текширув давомида сотувчида бу бизнес билан шуғулланиш учун барча ҳужжатлар борлигини, чой эса қонуний йўл билан перуликдан сотиб олинганини аниқлашган. Барча чой партияси мусодара қилинди. Нашрнинг таъкидлашича, Перуда кокаин негизида тайёрланувчи бундай чой минг йиллар давомида истеъмол қилиниб келинади.

Аввалроқ Хитойда ресторан эгаси мижозларни жалб қилиш учун лағмонга афюн (опиум) қўшиши маълум қилинганди.