Тайваннинг Hon Hai Precision Industry корпорацияси инқироз арафасида турган Япониянинг электрон жиҳозлар ишлаб чиқаришга ихтисослашган Sharp 300 млрд иен (тахминан $2,5 млрд) эвазига сотиб олиш ниятида.

ТАССнинг Киодо ахборот агентлигига таяниб хабар беришича, тегишли таклиф иккала томон вакилларининг учрашуви давомида ўртага ташланган. Ҳозирча японияликлар тайванликлар вариантини ўрганиб чиқишмоқда. Якуний қарор келгуси йил бошида айтилиши кутилмоқда.

Сентябрда Hon Hai Precision Industry Sharp компаниясининг қаттиқ кристалли дисплейлар ишлаб чиқарувчи гуруҳини сотиб олиш ниятини билдирганди. Бироқ бугунга келиб компания Sharрни бутунлай сотиб олишга қарор қилган.

Hon Hai Precision Industry – дунёдаги энг йирик электрон воситалар етказиб берувчи корхона саналади. Foxconn бренди остида улар американиниг Apple корпорацияси билан шартномага кўра Хитой ҳудудида iPhone етказиб бериб келади. Sharp компаниясини сотиб олиш орқали корхона ўзининг технологик ишлаб чиқариш даражасини янги даражага олиб чиқиш ва янги бизнес доирасига киришни истамоқда. Айниқса маиший электроника воситаларини ишлаб чиқариш бўйича улар етакчилар қаторига киришни истамоқда.

Hon Hai Precision Industry Штаб-квартираси Тайванда жойлашган бўлсада асосан маҳсулотлар Хитой ишлаб чиқарилади. Компания 2012 йилда ҳамкорлик бўйича шартнома имзолаган бироқ ҳозирча Hon Hai Precision Industry нинг Sharp капиталига эгалик қилишига эришилгани йўқ.

Эслатиб ўтамиз, ўтган йилнинг Sharp 222,35 млрд иен (тахминан $1,87 млрд) миқдорида соф зарар билан якунлаган.