Қирғизистон фуқаролик жамияти фаоллари, педагоглар, амалдорлар ва дин соҳаси вакиллари 17 декабрь куни Ўш шаҳрида йиғилиш ўтказиб, ёшларнинг радикал гуруҳлар таркибига кириб қолишига қарши чора-тадбирларни амалга оширишда ҳамкорликни йўлга қўйиш масаласини муҳокама қилишди.

Бишкекнинг Search for Common Ground нодавлат ташкилоти томонидан ўтказилган “Таълим – радикаллашувга қарши иммунитет” мавзуидаги конференция ёшларнинг диний экстремизмга аралашувига қарши кураш чора тадбирларини ишлаб чиқишга қаритилди.

Тадбир ташкилотчиси Мэрим Султонқулованинг сўзларига қараганда, тадбир иштирокчилари радикал оқимларга қарши курашнинг энг самарадор йўли маориф соҳасини ривожлантириш, болаларнинг таълим олиш сифати ва билим даражасини ошириш эканлигини таъкидлаб ўтишган.

Шунингдек, иштирокчилар томонидан бу борада муайян тавсиялар ишлаб чиқилган. Эндиликда уларнинг масъул идоралар томонидан кўриб чиқилиши лозимлиги таъкидланмоқда.