Қозоғистонда 31 декабрь кунига расман дам олиш куни мақоми берилиши мумкин

Жаҳон 25 Декабрь 2015 1947

Қозоғистонда 31 декабрь кунига расман дам олиш куни мақоми берилиши мумкин. Бу ҳақда “Нур Отан” партияси матбуот марказида ўтган матбуот-анжуманида Қозоғистон соғлиқни сақлаш ва ижтимоий ривожланиш вазири ўринбосари Биржон Нуримбетов маълум қилди.

Қозоғистон президенти ҳузуридаги марказий коммуникациялар хизмати сайтида маълум қилинишича, бунинг учун тегишли ташаббус мамлакат парламентида билдирилиши керак.

“Дам олиш куни ҳисобланадиган байрам кунлари махсус қонун билан тартибга солинади. Жамоавий шартномалар бўйича баъзи корхоналарда 31 декабрь ёки дам олиш куни, ёки қисқартирилган иш куни ҳисобланади.

Агар жамиятда бундай ташаббусни қўллаб-қувватлаш мавжуд бўлса, унда уни кўриб чиқиш керак”, деб айтди Нуримбетов.Маълумот учун, Қозоғистонда Янги йил байрами муносабати билан 1 ва 2 январь кунлари дам олиш куни қилиб белгиланган.

Кўпроқ янгиликлар