Россиялик мухолиф сиёсатчи, ЮКОСнинг собиқ раҳбари Михаил Ходорковский чет эл давлатларининг биридан сиёсий бошпана сўраши мумкинлигини истисно қилмади.

“Бу қарор яқин бир неча кун ёки соат ичида қабул қилинишидан шубҳам бор. У мазкур масала устида ўйламоқда”, - деди Ходорковскийнинг матбуот котиби Кюлле Писпанен.

Эслатиб ўтамиз, Ходорковский Россияда Нефтеюганск шаҳри ҳокимини ўлдиришда айбланмоқда. Швейцария ҳукумати уни Россияга экстрадиция қилиш масаласини кўриб чиқаётгани ҳақидаги гаплар сиёсатчини ташвишга солмоқда, шу боис у сиёсий бошпана сўраш масаласини кўриб чиқмоқда.
“Айни пайтда у Лондонда”, - маълум қилди Писпанен хоним.