2015 йилда 20 минг нафарга яқин Ўзбекистон фуқароси Россияга кўчиб бориш бўйича дастурда қатнашишга ариза топширди, дея маълум қилди Россиянинг Ўзбекистондаги элчиси Владимир Тюрденев.

“2015 йилда Россия элчихонасига кўчирилиш бўйича дастурда қатнашиш тўғрисидаги 8,3 минг ариза келиб тушди. Кўчиб ўтувчиларнинг умумий сони, оила аъзоларини қўшиб ҳисоблаганда, 20 минг нафарга яқин кишини ташкил этди”, - деди Тюрденев.

“Яна бир марта қайд этишни истардимки, биз ҳеч кимга ташвиқот ўтказмаяпмиз ва улкан ваъдаларни бермаяпмиз. Кўчиб ўтиш – кўнгилли равишда олиб бориладиган иш”, - дея таъкидлади элчи.

Россия Федерал миграция хизмати маълумотларига кўра, 2015 йилда Россияга 150 минг нафар киши мамлакатга кўнгилли равишда кўчиб келиши белгиланган.