Австралия жанубидаги Виктория штатида юздан ортиқ уй ўрмон ёнғинлари натижасида вайрон бўлди. Бу ҳудудда бир ҳафтадан буён 100тадан ортиқ ёнғин содир бўлган.

Штатдаги Уай Ривер ва Сепарейшн Крик шаҳарлари ёнғиндан энг кўп жабр чеккан ҳудудлар бўлиб турибди.

Айни вақтда 1600 нафардан ортиқ маҳаллий аҳоли вакиллари ва саёҳатчилар уйларни тарк этишга мажбур бўлишган. Мавжуд хавф туфайли Рождество байрами тадбирлари бекор қилинган.

Айни вақтда ҳудудда ёға бошлаган ёмғир ёнғинлар кучини пасайтирмоқда. Лекин ёнғин ўчоқларини бартараф этишга муваффақ бўлинмаган.

Бу кенг кўламли ёнғин ўтган ҳафтада дам олувчилар ёққан оловдан бошлангани ва шамол ҳамда иссиқ ҳарорат туфайли атрофга тарқалгани тахмин қилинмоқда.