Италиянинг Ferrari компанияси ўзининг Шимолий Америкадаги филиали орқали паст босимли ёнилғи қувурилари нотўғри пайвандланишидан бензиннинг сизиб чиқиши натижасида ёнғин юзага келиш хавфи мавжудлиги сабабдан 185та California T русумли спорткарини қайтариб олмоқда.

Мазкур тавсия АҚШнинг Трассаларда ҳаракат хавфсизлиги миллий бошқармаси томонидан нашр қилинди, дея хабар бермоқда Bloomberg.
2016 модель йили автомобилларининг энг кам қиймати 230 минг доллар бўлиб, улар 2015 йилнинг сентябрь-ноябрь ойларида ишлаб чиқарилган. Зарур эҳтиёт қисмлар дилерлар томонидан бепул алмаштирилиб берилади.

Ferrari компаниясидагиларнинг қайд этишларича, мазкур муаммо етказиб берувчилардан олинган яроқсиз (брак) эҳтиёт қисмлар билан боғлиқ бўлиши мумкин.