26 декабрь, шанба куни маҳаллий вақт билан соат 00:16да кучли бўлмаган, бироқ давомли ер силкиниши кузатилди. Зилзила кичик оралиқ вақт билан икки марта сезилди.

Ерости силкинишлари Ўзбекистоннинг 6 ҳудудида қайд этилган.

«Тошкент» сейсмостанцияси маълумотларига кўра, зилзила эпицентри Тошкентдан 527 км нарида Афғонистондаги Ҳиндикуш тоғларида жойлашди. Эпицентрда зилзила магнитудаси 6,3га тенг бўлди.

Ерости силкинишлари кучи Тошкентда ва Фарғонада — 3 балл, Самарқандда — 3,5 балл, Жиззахда — 3 балл, Сурхондарё вилоятида — қарийб 3 балл, Газлида 2 баллни ташкил этди.

Вайроналар ва қурбонлар ҳақида маълумот келиб тушмади, деб хабар қилади ФВВ ахборот хизмати.